900 bazkide baino gehiagoko talde batekin, gure enpresa eta kooperatiba proiektua gauzatzen dugu, pertsonak eta haien parte hartzea erdigunean jarrita. Talentua eta gaitasun teknologikoa dauzkagu, eta etengabe erreparatzen diogu berrikuntzari. Horiek guztiak konbinatuta, ibilgailu automobil eta industrialetarako gure produktuak egokitzen ditugu, eta, era horretan, gure bezeroen beharrak eta eskakizunak ase.
Pertsonetan oinarritutako proiektu kooperatiboa garatu nahi dugu, gure erakundea bikaina, berritzailea eta gure bezeroak asetzeko gai izan dadin.
Segurtasuna, pertsonen garapena, bezeroaren gogobetetzea eta lehiakortasuna lehenesten ditugu, etengabeko hobekuntzaren bidez.
Kooperatiba egonkorra eta arrakastatsua izan nahi dugu, pertsonen konpromiso eta parte hartzeko eredu gisa aitortua. Gainera, fabrikatzaile nagusientzako irtenbide integralen erreferentziazko hornitzaile izan nahi dugu, eta gure kudeaketaren bikaintasunagatik aitorpena jaso.
Gure kudeaketa honako ezaugarri hauetan oinarritzen dugu: errespetuan, konfiantzan, pertsonen arteko laguntzan, konpromisoan, proiektu kooperatiboan parte hartzean, talde lanean, segurtasunaren lehentasunean, bezeroarenganako orientazioan eta hobetzeko eta berritzeko ekimen zein jarreran.
MONDRAGON Korporazioko kide gara jatorritik bertatik. Kooperatibismoan nazioarteko erreferente den talde handi honek 65.000 pertsona baino gehiago enplegatzen ditu, 10.000 milioi euro baino gehiago fakturatzen ditu eta norbere industrietan lider diren enpresa ugari biltzen ditu.
Asoziazionismoarekin eta lankidetza publiko-pribatuarekin konbentzituta gaudenez, elkarte eta aliantza sektorial eta enpresarial ugaritan parte hartzen dugu, nola eskualde mailan, hala nazio mailan.
Teknologia, berrikuntza, konpromisoa eta industriaren oraina zein etorkizuna uztartzeko talentua. TIFen lider globalak gara industria eta automobilgintza sektorerako blokeen eta motorreko kulatak neurrira fabrikatzen.
© 2026 Tafalla Iron Foundry
